ఢిల్లీలో అర్థ‌రాత్రి పోలీసుల‌పై గ్యాంగ్ స్టార్స్ కాల్పుల‌కు తెగ‌బ‌డ్డారు. ఈ ఘటనలో ముగ్గురు గ్యాంగ్‌స్టార్స్‌ను పోలీసులు అదుపులోకి తీసుకున్నారు.హాశిమ్ ముఠాకు చెందిన ముగ్గురు సభ్యులు మార్చి 9న అర్బాజ్ అనే వ్యక్తిని కాల్చి చంపారు. వారి కదలికలపై పోలీసులకు సోమవారం సమాచారం అందింది. పట్టుకోవడానికి వెళ్లగా.. గ్యాంగ్ స్టార్స్ కాల్పులు జ‌రిపారు.
ఎదురుకాల్పుల్లో గాయపడిన వారికి ప్రస్తుతం అస్పత్రిలో చికిత్స అందిస్తున్నారు. ఢిల్లీలోని అంబేడ్కర్ కాలేజీ సమీపంలో రాత్రి 1.30 గంటల సమయంలో ఈ ఘటన జరిగింది. ఇద్దరు పోలీసులకు స్వల్పగా గాయాలయ్యాయి. పోలీసులు తెలిపిన వివరాల ప్రకారం…. గ్యాంగ్స్టార్స్ కాల్పులు జరపడంతో ఆత్మరక్షణ కోసం పోలీసులు ఎదురుకాల్పులు ప్రారంభించారు. ఈ క్రమంలో దుండగుల కాళ్లకు గాయాలయ్యాయి. వెంటనే వారిని పట్టుకొని ఆస్పత్రికి తరలించినట్లు డీసీపీ జాయ్ టిర్కీ తెలిపారు.