తెలుగులో డైరెక్ట్ చిత్రంలో న‌టిస్తున్నాడు త‌మిళ స్టార్ హీరో విజ‌య్..ఆ చిత్ర‌మే వారసుడు.. రిలీజ్‌కు సిద్ధంగా ఉంది. వంశీ పైడిపల్లి దర్శకత్వం వహించిన ఈ చిత్రం షూటింగ్‌ పూర్తి చేసుకుని పోస్ట్‌ ప్రొడక్షన్‌ పనులలో బిజీగా ఉంది.ద్విభాషా సినిమాగా రూపోందిన ఈ చిత్రాన్ని శ్రీ వెంకటేశ్వరా క్రియేషన్స్‌ బ్యానర్‌పై దిల్‌రాజు నిర్మించాడు. విజయ్‌కు జోడీగా రష్మిక నటిస్తుంది. థమన్‌ సంగీతం అందిస్తున్నాడు. ఇప్పటి వరకు ఎలాంటి ప్రోమోలు, టీజర్‌లు రిలీజ్ చేయకుండానే.. ఈ సినిమాపై ప్రేక్షకులలో భారీ అంచనాలు నెలకొన్నాయి.
ఈ సినిమా సంక్రాంతి కానుకగా వచ్చే ఏడాది జనవరి 12న రిలీజ్ కానుంది. ఈ క్రమంలో చిత్రబృందం వరుస అప్‌డేట్లు ప్రకటిస్తూ సినిమాపై మంచి బజ్‌ క్రియేట్‌ చేస్తున్నారు. తాజాగా ఈ సినిమాలోని ‘సోల్‌ ఆఫ్ వారసుడు’ సాంగ్ గ్లింప్స్‌ను మేకర్స్ రిలీజ్ చేశారు. సింగర్‌ చిత్ర ఆలపించిన ఈ పాట శ్రోతలను ఆకట్టకుంటుంది. రామజోగయ్య సాహిత్యం అందించిన ఈ పాట ఫుల్ లిరికల్ వీడియోను సాయంత్రం 5:30 గంటలకు రిలీజ్ చేయనున్నట్లు మేకర్స్ తెలిపారు. ఇప్పటికే రిలీజైన రంజితమే, ది దళపతి సాంగ్‌లకు ప్రేక్షకులు నుండి విశేష స్పందన వచ్చింది.