వైద్యుల నిర్లక్ష్యం మూలంగా చెన్నయ్‌ ఫుట్‌బాల్‌ క్రీడాకారిణి చనిపోయింది. తన కుడికాలి లిగమెంట్‌కు చీలిక రావడంతో ప్రభుత్వాసుపత్రిలో చేరింది. అయితే వైద్యులు నిర్లక్ష్యంగా సర్జరీ చేయడంతో ఆమె కాలు తీసేయాల్సిన పరిస్థితి వచ్చింది. దీంతో ప్రియను రాజీవ్‌ గాంధీ ప్రభుత్వాసుపత్రిలో ఈ నెల ఎనిమిదోతేదీన చేర్చించారు. చికిత్స పొందుతూ ఆమె మృతి చెందిందని ఆరోగ్య శాఖామంత్రి సుబ్రమణియన్‌ చెప్పారు. వైద్యుల నిర్లక్ష్యం ఉందని ఆయన అంగీకరించారు.
వైద్యులు సర్జరీ బాగానే చేసినప్పటికీ కంప్రెషన్‌ బ్యాండేజీ గట్టిగా వేయడంతో రక్త ప్రసరణ నిలిచిపోయి వికటించిందన్నారు. ఈ సంఘటనలో ఇద్దరు డాక్టర్లను సస్పెండ్‌ చేస్తున్నామన్నారు. ప్రియ ఫిజికల్‌ ఎడ్యుకేషన్‌ కోర్స్‌ చేస్తుంది. జాతీయ జట్టులో ఆమె రాణించాలని యత్నించింది. ఇటీవలె ఆరోగ్యమంత్రి ఆమె కుటుంబాన్ని పరామర్శించారు. కృత్రిమకాలును అమర్చుతామని హామి ఇచ్చారు. కానీ ఇంతలోనే ఆమె మృతి చెందింది.