బిహార్ లో రోడ్డుప్రమాదం… ఐదుగురు మృతి

బిహార్‌లోని వైశాలి జిల్లాలో ఘోర రోడ్డు ప్రమాదం జరిగింది. ఓ లారీ వేగంగా వ‌చ్చి ఓ తినుబండారాల దుకాణాన్ని ఢీకొట్టింది. ఈ ఘటనలో ఐదుగురు దుర్మరణం చెందగా.. మరో ఏడుగురికి గాయాలయ్యాయి. క్షతగాత్రులను ఆసుపత్రికి తరలించి చికిత్స అందిస్తున్నారు. పాతాపూర్ పోలీస్ స్టేషన్ పరిధిలోని బహురా కూడలి సమీపంలో ఈ ఘటన చోటు చేసుకున్నది. ఈ ఘటనపై సీఎం నితీశ్‌ కుమార్‌ విచారం వ్యక్తం చేశారు. మృతుల కుటుంబాలకు రూ.4లక్షల చొప్పున ఎక్స్‌గ్రేషియా ప్రకటించారు. బహురా కూడలి సమీపంలో వేగంగా వచ్చిన ట్రక్కు రోడ్డు పక్కనే ఉన్న తినుబండారాల దుకాణాన్ని ఢీకొట్టిందని పటేపూర్‌ ఎస్‌హెచ్‌ఓ రామశంకర్‌ కుమార్‌ తెలిపారు.