ప్ర‌స్తుతం పవర్ స్టార్ పవన్ కళ్యాణ్ మూవీ లైన‌ప్ లో చాలానే ప్రాజెక్టులు ఉన్నాయి. అందులో ఫ్యాన్స్ ఎంతగానో ఎదురుచూస్తున్న ప్రాజెక్ట్‌లలో ఒక‌టి హరిహర వీరమల్లు. డైరెక్ట‌ర్ క్రిష్ దర్శకత్వం వహిస్తున్న ఈ పాన్ ఇండియన్ పీరియడ్ యాక్షన్ డ్రామాలో నిధి అగర్వాల్ కథానాయికగా నటిస్తోంది. అయితే ఈ మూవీ సెట్స్‌లో ఇవ్వాల అగ్ని ప్రమాదం సంభవించింది. వచ్చే నెలలో షూటింగ్ ప్రారంభించేందుకు తెలంగాణలోని దుండిగల్‌లో వేసిన సెట్‌ ఈ ప్రమాదంలో దగ్ధమైంది.
అదృష్టవశాత్తూ, ఎవరూ గాయపడలేదు. అయితే షూటింగ్ తిరిగి ప్రారంభించడానికి మరింత సమయం పడుతుంది. ఈ భారీ బడ్జెట్ సినిమాలో బాలీవుడ్ నటుడు బాబీ డియోల్ కీలక పాత్రలో కనిపించనున్నారు. మెగా సూర్య ప్రొడక్షన్ బ్యానర్‌పై నిర్మిస్తున్న ఈ మూవీకి ఎంఎం కీరవాణి సంగీతం అందిస్తున్నారు.