పంజాగుట్టలో టెన్షన్ పుట్టించిన అగ్నిప్రమాదం

హైదరాబాద్ పంజాగుట్టలో శుక్రవారం మధ్యాహ్నం అగ్నిప్రమాదం ఒక్కసారిగా స్థానికుల్లో కలకలం రేపింది. ఫ్లైఓవర్ కింది భాగంలో ఉన్న పిల్లర్లకు ఒక్కసారిగా పెద్దఎత్తున మంటలు అంటుకుని దట్టమైన పొగలు కమ్ముకున్నాయి. ఫ్లైఓవర్ పిల్లరకు ఏర్పాటు చేసిన డెకరేషన్ వస్తువులకు నిప్పు అంటుకోవడం వల్లే మంటలు వ్యాపించాయని అగ్నిమాపక సిబ్బంది తెలిపారు. అగ్నిప్రమాద ఘటనతో వాహనదారులు, స్థానికులు షాక్‌కు గురయ్యారు. అక్కడ ఏం జరుగుతుందో కాసేపు ఎవరికీ అర్థం కాలేదు. ఈ సమాచారం అందుకున్న ఫైర్ సిబ్బంది వెంటనే అక్కడికి చేరుకుని మంటలు అదుపు చేశారు. పొగ కారణంగా చుట్టు ప్రక్కల ప్రాంతాలోని కొందరు స్థానికులు శ్వాస తీసుకోవడంతో ఇబ్బందులు ఎదుర్కొన్నారు.