డాలర్‌తో పోలిస్తే రూపాయి విలువ పతనం కొనసాగుతోంది. బుధవారంతో పోలిస్తే రూపాయి విలువ 12 పైసలు తగ్గింది. బుధవారం రూపాయి విలువ 78.94గా ఉండగా గురువారం 79.6వద్ద స్థిరపడింది. అమెరికా ఫెడరల్‌ రిజర్వ్‌ బ్యాంక్‌ మరోసారి వడ్డీరేట్లు పెంచుతుందని భావిస్తున్న నేపథ్యంలో ఈ పరిస్థితి ఏర్పడింది. రూపాయి విలువ పడిపోకుండా ఆర్‌బీఐ చర్యలు తీసుకుంటున్నట్లు బుధవారం ప్రకటించినప్పటికీ పెద్దగా ప్రభావం కన్పించలేదు. విదేశీ మారక ద్రవ్య నిల్వలు పెంచేలా ఆర్‌బీఐ చర్యలు తీసుకున్న విషయం తెలిసిందే. గురువారం మార్కెట్లు ప్రారంభమవగానే 78.90కు రూపాయి బలపడినప్పటికీ ఆ తరువాత 79.05కు పడిపోయింది. చివరకు 79.06వద్ద స్ధిరపడింది.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి.