ఐపీఎల్ 2024లో భాగంగా నేడు లక్నో ఎకానా స్టేడియం వేదికగా జరుగుతున్న మ్యాచ్‌లో చెన్నై సూపర్ కింగ్స్ తడబాటుకు గునైంది. ఈ మ్యాచ్‌లో ఎల్ఎస్‌జీ బౌల‌ర్ల ధాటికి సీఎస్కే కీల‌క ఆట‌గాళ్లంతా వ‌చ్చిన వాళ్లు వ‌చ్చిన‌ట్టు పెవిలియ‌న్ చేరారు. అయితే, ఆఖర్లో రవీంద్ర జడేజా.. ధోనీ చెలరేగడంతో సీఎస్కే 6 వికెట్ల నష్టానికి176 పరుగులు చేసింది.
ఈ మ్యాచ్‌లో సీఎస్కే టాపార్డర్, మిడిలార్డర్ బ్యాటర్లు ఆశించిన స్థాయిలో రాణించలేకపోయారు. రవీంద్ర జడేజా 57 (నాటౌట్) హాఫ్ సెంచరీ బాదాడు. ధోని 9 బంతుల్లో 28 పరుగులు (నాటౌట్) మెరురపు ఇన్నింగ్స్ ఆడాడు. ఇక లక్నో బౌలర్లలో కృనాల్ పాండ్యా రెండు వికెట్లు పడగొట్టగా… మొహ్సిన్ ఖాన్, యష్ రవిసింగ్ ఠాకూర్, రవి బిష్ణోయ్, మార్కస్ స్టోయినిస్ తలో వికెట్ తీశారు.