లార్డ్స్‌ వేదికగా ఇంగ్లండ్‌-శ్రీలంక మధ్య జరుగుతున్న రెండో టెస్టుల్లో తొలుత బ్యాటింగ్‌ చేసిన ఆతిథ్య ఇంగ్లండ్‌ తొలి ఇన్నింగ్స్‌లో 427 పరుగుల భారీ స్కోరు నమోదు చేసి ఆలౌటైంది. జో రూట్‌ (143; 206 బంతుల్లో 18 ఫోర్లు), గస్‌ అట్కిన్సన్‌ (118; 115 బంతుల్లో 14 ఫోర్లు, 4 సిక్స్‌లు) సెంచరీలతో చెలరేగారు. 8వ స్థానంలో బ్యాటింగ్‌కు వచ్చిన అట్కిన్సన్‌ రికార్డు శతకంతో సత్తా చాటుకున్నాడు. అంక బౌలర్లలో అసిత ఫెర్నాండో 5 వికెట్లు పడగొట్టాడు.
అనంతరం బ్యాటింగ్‌కు దిగిన శ్రీలంక.. ప్రత్యర్థి బౌలర్ల ధాటికి తొలి ఇన్నింగ్స్‌లో 196 పరుగులకే కుప్పకూలింది. కమిందు మెండిస్‌ (74) ఒంటరి పోరాటం చేయగా.. మిగతా బ్యాటర్లు విఫలమయ్యారు. ఆ తర్వాత రెండో ఇన్నింగ్స్‌ ప్రారంభించిన ఇంగ్లండ్‌ కడపటి వార్తలు అందే సమయానికి 7 ఓవర్లలో ఒక్క వికెట్‌ నష్టానికి 25 పరుగులు చేసింది.