ఐసీసీ వన్డే ప్రపంచకప్‌లో భాగంగా ఇవ్వాల (శ‌నివారం) ముంబైలోని వాంక‌డే స్టేడియం వేదిక‌గా సౌత్ ఆఫ్రికా, ఇంగ్లండ్ మద్య జ‌రిగిన మ్యాచ్ లో సౌత్ ఆఫ్రాకా జట్టు ఘన విజయం సాధించింది. టాస్ ఓడి తొలుత బ్యాటింగ్ చేసిన సౌత్ఆఫ్రికా జట్టు ఇంగ్లండ్ బౌల‌ర్ల‌ను ఉతికారేసింది. నిర్ణీత 50 ఓవ‌ర్ల‌లో 7 వికెట్ల న‌ష్టానికి 399 పరుగులు చేసి 400 పరుగుల భారీ టార్గెట్ సెట్ చేసింది.
ఈ క్ర‌మంలో చేజింగ్ కు దిగిన ఇంగ్లండ్ జట్టు 22 ఓవ‌ర్ల‌లో 170 ప‌రుగులే చేయ‌గ‌లిగింది. సఫారీలు నిర్దేశించిన 400 పరుగుల లక్ష్య ఛేదనలో ఇంగ్లండ్.. 10 ఓవర్లకే నాలుగు కీలక వికెట్లు కోల్పోయి పీకల్లోతు కష్టాల్లో పడింది. దీంతో 170 ప‌రుగుల‌కే ఆలౌట్ అయ్యింది.
అంతకముందు బ్యాటంగ్ చేసిన సౌత్ఆఫ్రికా బ్యాట‌ర్ల‌లో హెన్రిచ్ క్లాసెన్ (109) సెంచ‌రీతో చెల‌రేగాడు. హెండ్రిక్స్ (85), వాన్ డెర్ డస్సెన్ (60), మార్కో జాన్సెన్ (75) హాఫ్ సెంచ‌రీల‌తో మెరుపులు మెరిపించారు. ఇక, మార్క్‌రామ్ (42) ప‌రుగుల‌తో ఆక‌ట్టుకున్నాడు. ఇక, ఇంగ్లండ్ బౌల‌ర్ల‌లో రీస్ టాప్లీ 3 వికెట్లు తీసాడు., ఇక ఆదిల్ రషీద్ రెండు వికెట్లు తీయగా.. గుస్ అట్కిన్సన్ కూడా రెండు వికెట్ ద‌క్కించుకున్నాడు.