తెలంగాణ ఆరోగ్యశాఖ మంత్రిగా పనిచేసిన ఈటెల రాజేందర్ తన పదవికి, టీఆర్ఎస్ పార్టీకి రాజీనామా చేసి దాదాపు మూడు నెలలు దాటుతోంది. ఆయన బీజేపీలో చేరి హుజురాబాద్ ఉపఎన్నికలో బరిలో దిగేందుకు కూడా సన్నద్ధం అవుతున్నారు. ఈ సందర్భంగా సీఎం కేసీఆర్‌పై పలు విమర్శలు కూడా చేస్తున్నారు.
అయితే తెలంగాణ ఆరోగ్యశాఖ మంత్రిగా ఒకవైపు కేసీఆర్ కొనసాగుతుండగా మరోవైపు ఇంకా ఈటెల రాజేందర్ మంత్రిగానే ఉన్నారా అని పలు అనుమానాలు కలిగించేలా ప్రభుత్వ వాహనాలు కనిపిస్తున్నాయి. ఈ మేరకు మహబూబాబాద్ జిల్లా కే సముద్రం మండలంలో ‘ఆలన’ వాహనంపై ఇంకా ఈటెల రాజేందర్ ఫోటో తొలగించకపోవడం చర్చనీయాంశంగా మారింది. కాగా ఈ ఆలన వాహనం ద్వారా దీర్ఘకాలిక వ్యాధులతో బాధపడుతున్నవారు, ఆస్పత్రికి వెళ్లలేనివారికి వైద్యం అందుతోంది.
ఈ వార్త కూడా చదవండి: తెలంగాణలో స్కూళ్ల రీ ఓపెన్‌కు సర్కారు గ్రీన్ సిగ్నల్