ఇండియన్ ప్రీమియర్ లీగ్ 2023 లో భాగంగా ఇవ్వాల (శనివారం) జరిగిన పోరులో 23 పరుగుల తేడాతో ఢిల్లీ క్యాపిటల్స్ పై గెలిచింది రాయల్ చాలెంజర్స్ బెంగళూరు. ఈ ఐపీఎల్ లో ఢిల్లీకి ఇది ఐదో పరాజయం కావడం విశేషం. 175 పరుగుల లక్ష్యంతో బ్యాటింగ్ కు దిగిన ఢిల్లీ 20 ఓవర్లలో 9 వికెట్లకు 151 పరుగులు చేసింది.
తొలుత బ్యాటింగ్ చేసిన ఆర్సీబీ 20 ఓవర్లలో 6 వికెట్లకు 174 పరుగులు చేసింది. విరాట్ కోహ్లీ 34 బంతుల్లొ అర్ధ శతకంతో రాణించాడు. మహిపాల్ లోమ్రెర్ 26, గ్లెన్ మ్యాక్స్ వెల్ 24, ఫాఫ్ డు ప్లెసిస్ 22 ఫర్వాలేదనిపించారు. ఢిల్లీ క్యాపిటల్స్ బౌలర్లలో కుల్దీప్ యాదవ్, మిచెల్ మార్ష్ లు చెరో రెండు వికెట్లు తీశారు. ఈ పోరులోనూ ఆర్సీబీ మిడిలార్డర్ కీలక సమయంలో చేతులెత్తేసింది.