ప్రొఫెసర్ హరగోపాల్ పై నమోదు చేసిన ఉపా కేసును తక్షణమే ఎత్తివేయాలని రాష్ట్ర డీజీపీని సీఎం కేసీఆర్ ఆదేశించారు. ఇటీవల హరగోపాల్ తో సహా 152మందిపై తాడ్వాయి పోలీసులు ఉపా సెక్షన్ తో కేసులు నమోదు చేశారు. దీనిపై తెలంగాణలో వివిధ ప్రజా సంఘాలు, వామపక్ష నేతలు, మేధావులు, పలు పార్టీలు తమ అభ్యంతరాలను వ్యక్తం చేశాయి. సుప్రీంకోర్టు ఉపా చట్టంపై కేసులు నమోదు చేయవద్దని కోరినా.. ఇంకా తెలంగాణలో ఈ నల్ల చట్టం ఉపయోగించడాన్ని తప్పుబట్టారు.
అంతేకాకుండా పేద ప్రజల తరపున నిరంతరం అండగా ఉంటున్న హరగోపాల్ వంటి మేధావిపై కేసు నమోదు చేయడం ఏమిటంటూ నేరుగా కేసీఆర్ నే ప్రశ్నించారు. తక్షణం ఈ కేసు ఎత్తివేయాలని డిమాండ్ చేశారు. ఈ నేపథ్యంలో నేడు కేసీఆర్ హరగోపాల్ తో సహా మొత్తం 152మందిపై నమోదు చేసిన ఉపా కేసులను ఎత్తివేయాలని డీజీపీని ఆదేశించారు.