పూణేకు చెందిన జెనోవా బయోఫార్మా స్యూటికల్స్‌ తయారు చేసిన మొట్ట మొదటి ఎంఆర్‌ఎన్‌ఏ ఆధారిత కోవిడ్‌-19 వ్యాక్సిన్‌ను మన దేశం ఆమోదించింది. త్వరలో 70 లక్షల డోసులు రోల్‌ అవుట్‌కు సిద్దంగా ఉన్నాయి. సెంట్రల్‌ డ్రగ్‌ స్టాండర్డ్‌ కంట్రోల్‌ ఆర్గనైజేషన్‌ (సిడిఎస్‌సిఒ)కి ఆమోదం కోసం మధ్యంతర డేటాను సమర్పించిన వెంటనే కంపెనీ ఏప్రిల్‌ నుండి డోస్‌లను నిల్వచేస్తోంది. టీకా, జెమ్‌కోవాక్‌ దేశీయంగా అభివృద్ది చేసిన ఎంఆర్‌ఎన్‌ఏ కోవిడ్‌ వ్యాక్సిన్‌ , ఫైజర్‌ మోడర్నా తర్వాత ప్రపంచంలో కోవిడ్‌-19 కోసం ఆమోదించబడిన మూడవ ఎంఆర్‌ఎన్‌ఏ వ్యాక్సిన్‌ మాత్రమే. హిమాచల్‌ ప్రదేశ్‌లోని కసౌలీలోని సెంట్రల్‌ డ్రగ్స్‌ లాబొరేటరీ (సిడిఎల్‌) ద్వారా జెమ్‌కోవాక్‌ 43 లక్షల డోస్‌లు ఇప్పటికే క్లియర్‌ చేయబడ్డాయి.
మరో 30 లక్షల డోసులు పెండింగ్‌లో ఉన్నాయి. స్టాక్‌ ఫైలింగ్‌ కోసం ప్రయోగశాల ఆమోదించిన మోతాదులు ఇప్పుడు మార్కెట్‌ రోల్‌ అవుట్‌కు అర్హత పొందాయి. 18 ఏళ్లు పైబడిన పెద్దలకు ఈ వ్యాక్సిన్‌ అందుబాటులో ఉంటుంది. ఇది 28 రోజుల వ్యవధిలో ఇంట్రా మస్కులర్‌గా ఇవ్వాల్సిన రెండు డోసుల టీకా. బయోఫార్మా స్యూటికల్స్‌ కంపెనీ నెలకు 40-50 లక్షల మోతాదులను ఉత్పత్తి చేయాలని లక్ష్యంగా పెట్టుకున్నట్లు బుధవారం ప్రకటించింది. ఈ సామర్ధ్యాన్ని త్వరలో రెట్టింపు చేయనున్నారు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి.