ఫెస్టివల్ సీజన్‌లో భాగంగా దసరా పండ‌గ‌కు వివిధ స్మార్ట్‌ఫోన్ కంపెనీలు, ఈ కామ‌ర్స్ సైట్లు స్మార్ట్‌ఫోన్లపై ఆఫర్స్, డిస్కౌంట్స్ అందించాయి… ఇక, ఇప్పుడు దీపావళి వచ్చేసింది. దీంతో దీపావళి ఫెస్టివల్ ఆఫర్లు ప్రారంభమయ్యాయి. అందులో భాగంగా, షియోమీ, యాపిల్, వన్‌ప్లస్ వంటి టాప్ బ్రాండ్స్, ఎంపిక చేసిన స్మార్ట్‌ఫోన్స్‌పై మరోసారి అదిరిపోయే ఆఫర్స్ ప్రకటించాయి. ఏయే కంపెనీలు ఎంత డిస్కౌంట్ అందిస్తున్నాయో చూద్దాం..
ఐఫోన్ 15 సిరీస్
టెక్ దిగ్గజం యాపిల్, స్పెషల్ దీపావళి సేల్స్ ప్రకటించింది. ఐఫోన్ 15 సిరీస్ మోడళ్లను హెచ్‌డీఎఫ్‌సీ (HDFC) బ్యాంక్ కార్డులతో కొనుగోలు చేస్తే ఇన్‌స్టంట్ క్యాష్ బ్యాక్ ఆఫర్స్ పొందవచ్చు. ఐఫోన్ 15 ఫ్రో, ఐఫోన్ 15 ప్రో మ్యాక్స్ మోడళ్లపై రూ.6000, ఐఫోన్ SEపై రూ.2000 క్యాష్ బ్యాక్ లభిస్తుంది. కస్టమర్ల దగ్గర ఉన్న పాత స్మార్ట్‌ఫోన్స్‌పై రూ.67,800 వరకు ఎక్స్ఛేంజ్ ఆఫర్ కూడా పొందవచ్చు.
ఒప్పో స్మార్ట్‌ఫోన్స్..
లేటెస్ట్ ఫోల్డబుల్ ఫోన్ ఒప్పో ఫైండ్ ఎన్‌3 ఫ్లిప్ (Oppo Find N3 Flip), ఇప్పుడు రూ. 94,999కు అందుబాటులో ఉంది. దీపావళికి రూ.12,000 వరకు క్యాష్‌బ్యాక్, రూ. 8,000 ఎక్స్ఛేంజ్ బోనస్‌తో కంపెనీ దీన్ని విక్రయిస్తోంది. అంతేకాకుండా ఒప్పో రెనో 10ప్రో+ 5G, ఒప్పో రెనో10 ప్రో, ఒప్పో రెనో 10, ఒప్పో A79 5G వంటి ఇతర మోడల్స్ అతి తక్కువ ధరకు లభిస్తున్నాయి.
షియోమీ, రెడ్‌మీ
చైనీస్ స్మార్ట్‌ఫోన్ బ్రాండ్ షియోమి, సబ్‌బ్రాండ్ రెడ్‌మీ.. ఎంపిక చేసిన మోడల్స్‌పై 50 శాతం వరకు డిస్కౌంట్ అందిస్తున్నాయి. రెడ్‌మీ నోట్ 12 ప్రో 5జీ (Redmi Note 12 Pro 5G) ఫోన్ రూ. 17,999 డిస్కౌంట్ ధరతో లభిస్తుంది. దీనిపై రూ. 3,000 ఎక్స్ఛేంజ్ బోనస్‌ కూడా పొందవచ్చు. రెడ్‌మీ ఏ2( Redmi A2)ను రూ.5,299 ధరకే సొంతం చేసుకోవచ్చు. ఫ్లాగ్‌షిప్ షియోమీ 13 ప్రో ఫోన్, రూ. 69,999కే అందుబాటులో ఉంది. దీనిపై రూ.5,000 ఎక్స్ఛేంజ్ బోనస్‌ సైతం పొందవచ్చు.
వివో స్మార్ట్‌ఫోన్స్..
దీపావళికి ఎంపిక చేసిన కొన్ని సిరీస్ మోడల్స్‌పై వివో బ్రాండ్ కూడా ఆఫర్స్ ప్రకటించింది. వివో ఎక్స్90 సిరీస్‌పై రూ10,000, వివో వీ29 సిరీస్‌పై రూ.4000 వరకు క్యాష్‌బ్యాక్ ఆఫర్స్ ఉన్నాయి. పాత వివో ఫోన్లపై రూ. 8,000 వరకు ఎక్స్ఛేంజ్ బోనస్‌ను సొంతం చేసుకోవచ్చు. ఐసీఐసీఐ, ఎస్‌బీఐ, హెచ్‌ఎస్‌బీసీ, ఎస్ బ్యాంక్, బ్యాంక్ ఆఫ్ బరోడా, ఐడీఎఫ్‌సీ ఫస్ట్ బ్యాంకుల కార్డులపై ఈ ఆఫర్స్ పొందవచ్చు.
వన్‌ప్లస్ మోడల్స్..
చైనీస్ టెక్ దిగ్గజం వన్‌ప్లస్ (OnePlus) Nord సిరీస్‌పై డిస్కౌంట్స్ ప్రకటించింది. నార్డ్ 3 5Gపై రూ. 3,000, నార్డ్ సీఈ3 5Gపై రూ. 2,000 డిస్కౌంట్స్‌తో సొంతం చేసుకోవచ్చు. ఇక, వన్‌ప్లస్ 11R 5G, వన్‌ప్లస్ 11R 5G సోలార్ రెడ్ వంటి మోడల్స్ కూడా రూ. 2,000 డిస్కౌంట్ తర్వాత తగ్గింపు ధరతో అందుబాటులో ఉన్నాయి.