.’బాహుబలి’, ‘ఆర్‌.ఆర్‌. ఆర్‌’ చిత్రాలకు రచయితగా చేసిన అజయ్‌ సామ్రాట్‌ దర్శకత్వం వహిస్తున్న చిత్రం ‘రుద్రంగి’. ఈ సిని మాలోని ముఖ్య పాత్రలను పరి చయం చేస్తూ ప్రేక్షకుల్లో ఆసక్తిని పెంచేసిన ఈ టీమ్‌ తాజాగా ఫోక్ పాటని విడుదల చేశారు. ”జాజిమొ గులాలి… ” అంటూ సాగే ఈ పాటని మోహన భోగరాజు ఆలపించారు.. బిగ్‌బాస్‌ ఫేమ్‌ దివి ఇందులో నటించింది. ఒకవైపు తన అందాలతో అలరిస్తూనే ఫోక్ సాంగ్‌ బీట్‌ కి భాను మాస్టర్‌ కొరియోగ్రఫీ లో అద్భుతంగా డాన్స్‌ చేసింది దివి. పూర్తి తెలంగాణ యాసలో సాగే ఈ జానపద పాట అభినయ శ్రీనివాస్‌ అందించగా సంగీతం నాఫల్‌ రాజా అందించారు. ఈ చిత్రాన్ని భారీ నిర్మాణ హంగులతో శాసనసభ్యుడు, కళాకారుడు రసమయి బాలకిషన్‌ నిర్మిస్తుండగా జగపతి బాబు, ఆశిష్‌ గాంధీ, గానవి లక్ష్మణ్‌, విమలా రామన్‌, మమతా మోహందాస్‌, కాలకేయ ప్రభాకర్‌, ఆర్‌ఎస్‌ నంద తదితరులు ముఖ్య పాత్రల్లో నటిస్తున్నారు.
