తమిళ స్టార్ హీరో ధనుశ్ ప్రస్తుతం మూడు చిత్రాల్లో నటిస్తున్నాడు. కాగా వాటిల్లో సార్ మూవీ కూడా ఒకటి.
2022 డిసెంబర్ 12న గ్రాండ్ గా రిలీజ్ కానుంది ఈ మూవీ. ఈ చిత్రంలో సంయుక్త మీనన్‌ హీరోయిన్. సాయికుమార్, తనికెళ్ల భ‌ర‌ణి, సముద్ర ఖని, తోటపల్లి మధు, నర్రా శ్రీను, పమ్మి సాయి, హైపర్ ఆది, సార, ఆడుకాలం నరేన్, ఇలవరసు, మొట్టా రాజేంద్రన్, హరీష్ పేరడి, ప్రవీణ ఇతర పాత్రలు పోషిస్తున్నారు. ధనుష్ తెలుగులోకి ఎంట్రీ ఇస్తూ నటిస్తున్న తొలి చిత్రం సార్. తెలుగు, తమిళంలో బైలింగ్వల్‌(తమిళంలో వాతి) గా తెరకెక్కుతోంది.
మూవీకి దర్శకుడు వెంకీ అట్లూరి దర్శకత్వం వహిస్తున్నారు. నిర్మాత సూర్యదేవర నాగవంశీ నేతృత్వంలోని సితార ఎంటర్‌టైన్‌మెంట్స్ ఈ చిత్రాన్ని సాయి సౌజన్య (ఫార్చ్యూన్ ఫోర్ సినిమాస్), శ్రీకర స్టూడియోస్ తో కలిసి సంయుక్తంగా నిర్మిస్తున్నారు. ధనుష్ అభిమానులకు ‘సార్ చిత్రం నుంచి అదిరిపోయే సర్ ప్రైజ్ ప్లాన్ చేస్తున్నారు. తర్వలోనే ‘సార్’ చిత్రం నుంచి ఫస్ట్ సింగిల్ రానుంది. చిత్రానికి సెన్సేషనల్ మ్యూజిక్ డైరెక్టర్ జీవీ ప్రకాష్ కుమార్ సంగీతం అందిస్తున్నారు. తాజాగా ఆయన క్రేజీ అప్డేట్ ను అందించారు. ‘త్వరలోనే వాతీ ఫస్ట్ సింగిల్ రాబోతోంది. ఈ పాటకు ధనుషే సాహిత్యం అందించారు. ఇదొక లవ్ సాంగ్’ అని అదిరిపోయే న్యూస్ ఇచ్చారు. దీంతో అభిమానులు ఫుల్ ఖుషీ అవుతున్నారు. నటనతోపాటు పాటలు కూడా అద్భుతంగా పాడుతారు దనుష్ అనే సంగతి తెలిసిందే.