చాయ్ తాగుతూ సమస్యలు తెలుసుకున్న డిప్యూటీ మేయర్

హైదరాబాద్ న‌గ‌రంలోని తార్నాక డివిజన్ చింతల్ బస్తీ మీదుగా కారులో అటుగా వెళ్తున్న డిప్యూటీ మేయర్ మోతె శ్రీలత శోభన్ రెడ్డి, టీటీయూసీ రాష్ట్ర అధ్యక్షులు మోతే శోభన్ రెడ్డి స్థానికులను చూసి వారి వద్దకు వెళ్లారు. వారితో కలిసి చాయ్ బండి వద్ద చాయ్ తాగుతూ స్థానికులతో యోగక్షేమాలు తెలుసుకొని వారి సమస్యల గురించి అడిగి తెలుసుకున్నారు. బస్తీ సమస్యలతో పాటు లాలాపేట్ ఫ్లైఓవర్ కింద నెలకొని ఉన్న పలు సమస్యలను కూడా త్వరలోనే పరిష్కరిస్తానని వారికి హామీ ఇచ్చారు. ఈ కార్యక్రమంలో టీటీయూసీ రాష్ట్ర అధ్యక్షుడు మోతే శోభన్ రెడ్డి, తెరాస నాయకులు వేణుగోపాల్ రెడ్డి, పరశురాం, శివశంకర్, తదితరులు పాల్గొన్నారు.