ఢిల్లీలో కదులుతున్న రైలులో మంటలు చెలరేగడంతో ఢిల్లీలో గందరగోళం నెలకొంది. తాజ్ ఎక్స్‌ప్రెస్ రైలు నంబర్ 12280 లో మంటలు చెలరేగాయి. ఈ ఘటనలో రైలులోని మూడు బోగీలు దగ్ధమయ్యాయి. ఈ ప్రమాదంలో ప్రయాణికులు ఎవరూ గాయపడలేదు, అయితే అగ్నిమాపక సిబ్బంది మంటలను అదుపు చేసేందుకు ప్రయత్నిస్తున్నారు.
మంటలు ఎలా చెలరేగాయి అనేది ఇంకా తెలియరాలేదు. అగ్ని ప్రమాదంలో ఎలాంటి ప్రాణనష్టం జరగలేదని ఢిల్లీ ఫైర్ సర్వీస్ డైరెక్టర్ అతుల్ గార్గ్ తెలిపారు. బోగీ నెంబర్ డి-3, డి-4, డి-2లలో మంటలు చెలరేగినట్లు రైల్వే అధికారులు వెల్లడించారు.