ఉమెన్స్ మహిళల ప్రీమియర్ లీగ్ (డబ్ల్యూపీఎల్) రెండో సీజ‌న్‌లో భాగంగా ఇవ్వాల జరిగిన మ్యాచ్‌లో గుజరాత్ జెయింట్స్ విజయం సాధించింది. టాస్ గెలిచి తొలుత బ్యాటింగ్ చేసిన గుజరాత్ యూపీ ముందు 153 పరుగులు టార్గెట్‌ను సెట్ చేసింది. అయితే ప్లేఆఫ్స్‌ రేసులో నిలవాలంటే తప్పక గెలవాల్సిన మ్యాచ్‌లో యూపీ వారియర్స్ జట్టు తడబడింది. దీంతో నిర్ణీత 20 ఓవర్లలో 5 వికెట్ల నష్టానికి 144 పరుగులు చేసి 8 పరుగుల తేడాతో ఓడిపోయింది.
యూపీ ఆల్‌రౌండర్‌ దీప్తి శర్మ (60 బంతుల్లో 88 నాటౌట్, 9 ఫోర్లు, 4 సిక్సర్లు) ఒంటరి పోరాటం చేసింది. పూనమ్‌ ఖేమ్నర్‌ (36 బంతుల్లో 36 నాటౌట్, 3 ఫోర్లు, 1 సిక్సర్‌) పరువాలేదనిపించింది. ఈ ఓటమితో యూపీ కథ ముగియగా ఆర్సీబీకి లైన్‌ క్లీయర్‌ అయింది. గుజరాత్ బౌలర్లలో షబ్నమ్‌ షకీల్‌ మూడు వికెట్లు పడగొట్టింది. కాథరిన్ బ్రైస్, ఆష్లీ గార్డనర్ చెరో వికెట్ దక్కించుకున్నారు.
ఇక అంతకముందు బ్యాటింగ్ చేసిన గుజరాత్ కెప్టెన్ బెత్ మూనీ (నాటౌట్) అద్భుత ఇన్నింగ్స్‌తో జట్టును ఆదుకుంది. 52 బంతుల్లో 74 పరుగులు (10 ఫోర్లు, 1 సిక్స్)తో హాఫ్ సెంచరీ చేసింది. ఇక ఓపెనర్ లారా వోల్వార్డ్ 30 బంతుల్లో 43 (8 ఫోర్లు, 1 సిక్స్)తో ఆకట్టుకుంది. మిగిలిన బ్యాటర్లు ఘోరంగా విఫలమ్యారు.