శ్రీలంకతో రెండు టెస్టుల సిరీస్‌లో భాగంగా రేపటి నుంచి బెంగళూరులోని ఎం.చిన్నస్వామి స్టేడియంలో రెండో టెస్టు ప్రారంభం కానుంది. కోహ్లీ వందో టెస్టు ఆడిన మొహాలీ స్టేడియంలో కరోనా నిబంధనల నేపథ్యంలో 50 శాతం మంది ప్రేక్షకులను అనుమతించారు. బెంగళూరు డే/నైట్ టెస్టుకు మాత్రం 100 శాతం మంది ప్రేక్షకులను అనుమతించాలని నిర్ణయించినట్టు కర్నాటక రాష్ట్ర క్రికెట్ అసోసియేషన్ (కేఎస్‌సీఏ) పేర్కొంది. మిగతా 50 శాతం టికెట్లు నేటి నుంచి స్టేడియం వద్ద అందుబాటులో ఉంటాయని కేఎస్‌సీపీ తెలిపింది.
ఈ నేపథ్యంలో వందో టెస్టులో సెంచరీ సాధించలేకపోయిన టీమిండియా మాజీ సారథి ఈ టెస్టులో శతకం నమోదు చేయాలని అభిమానులు ఆశగా ఎదురుచూస్తున్నారు. అదే జరిగితే రెండేళ్ల సెంచరీ దాహం బెంగళూరులో తీరుతుంది. కోహ్లీ చివరిసారి నవంబరు 2019లో కోల్‌కతాలో బంగ్లాదేశ్‌ తో జరిగిన పింక్‌బాల్ టెస్టులో సెంచరీ చేశాడు. ఇప్పుడిది కూడా డే/నైట్ టెస్టే కాబట్టి అభిమానులు అతడి నుంచి సెంచరీ ఆశిస్తున్నారు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి..