టెస్ట్ క్రికెట్ నుంచి రిటైర్ కానున్న డేవిడ్ వార్నర్

ఆస్ట్రేలియా ఓపెనర్ డేవిడ్ వార్నర్ తన టెస్ట్ కెరీర్‌కు ముగింపు పలకనున్నాడు. రాబోయే ఆస్ట్రేలియా వేసవిలో టెస్ట్ క్రికెట్‌కు రిటైర్మెంట్ ఇస్తున్నట్లు శనివారం ప్రకటించాడు. వార్నర్ ప్రస్తుతం ఇంగ్లండ్లో ఈ నెల 7వ తేదీన భారత్-ఆస్ట్రేలియా మధ్య టెస్టు ఛాంపియన్‌షిప్ ఫైనల్ మ్యాచ్ కు సిద్ధమవుతున్నాడు. ఆ తర్వాత ఇంగ్లండ్‌తో జూన్ 16న ప్రారంభమయ్యే ఐదు మ్యాచ్‌ల యాషెస్ సిరీస్‌లో అతను పాల్గొనే అవకాశం ఉంది. అక్టోబర్-నవంబర్‌లో భారతదేశంలో జరిగే ODI ప్రపంచ కప్ కూడా వార్నర్ ఎజెండాలో ఉంది. అయితే వార్న‌ర్ జనవరి 2024లో పాకిస్తాన్‌తో సిడ్నీలోని తన సొంత మైదానంలో తన టెస్ట్ కెరీర్‌ను ముగించాలనుకుంటున్నట్లు చెప్పాడు.