డార్లింగ్ ప్రభాస్ ప్ర‌స్తుతం వ‌రుస పాన్ ఇండియా సినిమాల‌తో తీరిక లేకుండా షూటింగ్‌ల‌లో పాల్గొంటున్నారు. అయితే.. ప్రభాస్ త‌న మోకాలు స‌ర్జ‌రీ కారణంగా కొన్ని రోజులు రెస్ట్ తీసుకున్నట్టు సినీ వ‌ర్గాలు తెలిపాయి. గాయం త‌గ్గ‌డంతో ఇటీవ‌లే ‘ప్రాజెక్ట్‌-K’ షూటింగ్‌లో మ‌ళ్లీ జాయిన్ అయ్యారు. ఈ షెడ్యుల్ పూర్త‌వ్వ‌గానే ‘స‌లార్’ బిగ్ షెడ్యూల్‌లో పాల్గొననున్నారు.
కాగా, ప్రభాస్ మారుతి కాంబోలో ఓ సినిమా తెర‌కెక్క‌నున్న విష‌యం తెలిసిందే. తాజ‌గా ఈ సినిమాకి సంబంధించిన ఓ వార్త టాలీవుడ్ చ‌క్క‌ర్లు కొడుత్తోంది. హార‌ర్ థ్రిల్ల‌ర్‌గా రూపొంద‌నున్న ఈ మూవీ షూటింగ్ ఆగ‌స్టులో ప్రారంభించ‌నున్నారు. డీవీవీ దాన‌య్య నిర్మిస్తున్న ఈ సినిమాలో మాళ‌వికా మోహ‌న్ హీరోయిన్‌గా న‌టిస్తోంది. ఈ మూవీ కోసం హైద‌రాబాద్‌లో ఒక పెద్ద బంగ్లా సెట్‌ను వేశార‌ని టాక్. మొద‌టి షెడ్యుల్‌లో ప్రభాస్, మ‌ళ‌వికా మ‌ధ్య స‌న్నివేశాలు చిత్రీక‌రించ‌నున్నారు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి..