పవర్ స్టార్ పవన్ కళ్యాణ్ పుట్టినరోజు సందర్భంగా పలువురు ప్రముఖులు విషెస్ తెలుపుతున్నారు. సైబరాబాద్ పోలీసులు కూడా పవర్ స్టార్‌కు వినూత్నంగా సోషల్ మీడియాలో తమ శుభాకాంక్షలు తెలియజేశారు. వకీల్ సాబ్ సినిమాలోని ఓ పోస్టర్‌తో ఓ డైలాగును క్రియేట్ చేసి సైబరాబాద్ పోలీసులు అటు వాహనదారులకు సున్నితంగా హెచ్చరిస్తూ ఇటు పవన్‌కు ట్విట్టర్ ద్వారా విషెస్ తెలిపారు.
ఇంతకీ ఆ పోస్టులో ఏముందంటే.. ‘కాళ్ల కింద యాక్సిలేటర్ ఉంది కదా అని తొక్కితే రూల్సే కాదు బోన్స్ కూడా బ్రేక్ అవుతాయి’ అని ఉంది. డునాట్ ఓవర్ స్పీడ్ అని పోలీసులు పోస్టులో పేర్కొన్నారు. వాహనదారులను పవన్ కళ్యాణ్ హెచ్చరిస్తున్నట్లు ఈ ఫోటోను సైబరాబాద్ పోలీసులు తయారుచేశారు. కాగా ఈ పోస్టును చూసిన నెటిజన్లు పోలీసులు తెలివిని మెచ్చుకుంటున్నారు.