దేశవ్యాప్తంగా ఉన్న కేంద్రీయ విశ్వవిద్యాలయాలు, ఇతర విద్యాసంస్థల్లో 2024-25 విద్యా సంవత్సరానికి UG కోర్సుల్లో ప్రవేశానికి నిర్వహించే CUTE-UG పరీక్షకు దరఖాస్తుల గడువు…. షెడ్యూల్ ప్రకారం నేటితో ముగియనుంది. అయితే, అభ్యర్థుల నుంచి ఇటీవల వచ్చిన అభ్యర్థనల మేరకు దరఖాస్తు గడువును మరోసారి పొడిగించినట్లు నేషనల్ టెస్టింగ్ ఏజెన్సీ ప్రకటించింది.
తాజా పొడిగించిన షెడ్యూల్ ప్రకారం, అభ్యర్థులు https://exams.nta.ac.in/CUET-UG/ ద్వారా ఏప్రిల్ 5వ తేదీ రాత్రి 9.50 గంటల వరకు దరఖాస్తు చేసుకోవచ్చు. గతంలో మార్చి 26తో దరఖాస్తుల గడువు ముగియగా.. మార్చి 31 వరకు పొడిగించిన అధికారులు.. తాజాగా మరోసారి దరఖాస్తుల సమర్పణ గడువును పొడిగిస్తూ నిర్ణయం తీసుకున్నారు.
ఈ పరీక్ష మే 15 నుండి 31 వరకు నిర్వ‌హించ‌నున్నారు. తెలుగు సహా మొత్తం 13 భాషల్లో 27 సబ్జెక్టులకు ఈ పరీక్ష జరగనుంది CUTE UG పరీక్ష దేశవ్యాప్తంగా 354 నగరాల్లో మరియు విదేశాలలో 26 నగరాల్లో హైబ్రిడ్ మోడ్‌లో (ఆన్‌లైన్/ఆఫ్‌లైన్) రోజుకు రెండు లేదా మూడు షిఫ్టులలో నిర్వహించబడుతుంది. ఫలితాలను జూన్ 30న విడుదల చేస్తారు.
