ఐపీఎల్ 2024లో నేడు పంజాబ్ కింగ్స్‌తో జరిగిన మ్యాచ్‌లో చెన్నై సూపర్ కింగ్స్ జట్టు త‌డ‌బ‌డింది. హోం గ్రౌండ్ వేదికగా జరిగిన మ్యాచ్‌లో చెన్నై బ్యాటర్లు ఆశించన మేర రాణించలేకపోయారు. దీంతో నిర్ణీత 20 ఓవర్లలో 7 వికెట్ల నష్టానికి 162 పరుగులకే పరిమితమైంది.
టాస్ ఓడిన చెన్నైకి ఓపెన‌ర్లు శుభారంభ‌మిచ్చారు. మొదట ధాటిగా ఆడిన సీఎస్‌కే ఒక‌ద‌శ‌లో 6 ఓవ‌ర్ల‌కే 55 కొట్టింది.. ఆ తరువాత పంజాబ్ బౌలర్లు చెలరేగడంతో చెన్నై బ్యాటింగ్ లైనప్ కంగుతింది. అయితే చెన్నై కెప్టెన్ రుతురాజ్ నిలకడగా ఆడుతూ.. (62) అర్థ సెంచరీతో జట్టును ఆదుకున్నాడు. అజింక్యా ర‌హానే(29), సమీర్ రిజ్వీ ( 21), మొయిన్ అలీ (15), ఎంస్‌ ధోని (14) పరుగులకు వెనుదిరిగారు.
ఇక పంజాబ్ బౌలర్లలో రాహుల్ చాహర్, హర్‌ప్రీత్ బ్రార్ రెండేసి వికెట్లు తీయగా.. కగిసో రబడ, అర్ష్దీప్ సింగ్ చెరో వికెట్ దక్కించుకున్నారు.