Cricket | జింబాబ్వే టూర్‌.. టీమిండియా కోచ్‌గా ల‌క్ష్మ‌ణ్‌

జింబాబ్వేతో జరిగే ఐదు టీ20 సిరీస్​కు టీమిండియా కోచ్​గా లక్ష్మణ్​ వ్యహరిస్తారు. జులై 6 నుంచి సిరీస్​ మొదలవుతుంది. ఇప్పటికే ఇండియన్​ మెన్స్​ క్రికెట్​ టీం హెడ్​ కోచ్​గా గౌతం గంభీర్​ కోచ్​గా బాధ్యతలు స్వీకరించడం లాంఛనమే. జులై మధ్యలో శ్రీలంక సిరీస్​ ఉండగా నాటి నుంచి బాధ్యతలు చేపట్టనున్నట్లు సమాచారం. అప్పటి దాకా లక్ష్మణ్​ తాత్కాలికంగా బాధ్యతలు నిర్వహించనున్నాడు. ఎన్​సీఏలో లక్ష్మణ్​ ఆధ్వర్యంలో కొంతమంది యువ ఆటగాళ్లు శిక్షణ పొందుతున్నారు. జూన్ 22 లేదా 23 తేదీల్లో జింబాబ్వే సిరీస్‌కు జట్టును ప్రకటించనున్నారు. దీంతో హార్దిక్ పాండ్యా, సూర్య కుమార్ యాద‌వ్ లో ఒకరు కెప్టెన్సీ బాధ్యతలు చేపట్టవచ్చు. ఒక వేళ ఆల్​రౌండర్​ హార్దిక్​ ​విశ్రాంతి కోరుకుంటే మిస్టర్​ 360కి సారథ్య బాధ్యతలు అప్పగించే అవకాశం ఉంది.