శాకుంత‌లంకి క్లీన్ యూ/ఏ సర్టిఫికెట్.. రన్‌టైం 142 నిమిషాలు

శాకుంత‌లం చిత్రానికి సెన్సార్‌ బోర్డు క్లీన్ యూ/ఏ సర్టిఫికెట్ జారీ చేసింది.. గుణశేఖర్ దర్శకత్వం వహిస్తున్న ఈ చిత్రంలో శాకుంత‌ల‌గా స్టార్ హీరోయిన్ స‌మంత న‌టిస్తోంది. ఈ చిత్రంలో మలయాళ యాక్టర్‌ దేవ్‌ మోహన్‌ కీలక పాత్ర పోషిస్తున్నారు. దేవ్‌ మోహన్‌ దుష్యంతుడి పాత్రలో నటిస్తున్నాడు. తాజా అప్‌డేట్ ప్రకారం శాకుంతలం రన్‌టైం 142 నిమిషాలు ( 2 గంటల 22 నిమిషాలు). ఈ చిత్రాన్ని గుణ టీమ్‌ వర్క్స్‌, శ్రీ వెంకటేశ్వర క్రియేషన్స్‌ బ్యానర్లు సంయుక్తంగా తెరకెక్కిస్తున్నాయి. శాకుంతలం ప్రపంచవ్యాప్తంగా తెలుగు, తమిళం, కన్నడ, మలయాళం, హిందీ భాషల్లో గ్రాండ్‌గా విడుదల కానుంది. ఈ చిత్రానికి సాయి మాధవ్‌ బుర్రా సంభాషణలు అందిస్తున్నారు.ఇప్పటికే విడుదలైన శాకుంతలం టీజర్‌, ట్రైలర్‌తోపాటు పాటలకు మంచి స్పందన వస్తోంది. కాగా అనన్య నాగళ్ల, అదితీ మోహన్‌, ప్రకాశ్‌ రాజ్‌ కీలక పాత్రల్లో నటిస్తున్నారు. మెలోడీ బ్రహ్మ మణిశర్మ సంగీతం అందిస్తున్నారు.