ఐసీసీ వ‌న్డే ప్ర‌పంచ‌క‌ప్‌లో భాగంగా ఇవ్వాల కోల్‌కతా వేదికగా రెండో సెమీఫైనల్ జరుగుతుండగా.. ఈ మ్యాచ్‌లో ద‌క్షిణాఫ్రికా, ఆస్ట్రేలియా జ‌ట్లు త‌ల‌ప‌డున్నాయి. కాగా, టాస్ గెలిచి బ్యాటింగ్ ఎంచుకున్న సౌతాఫ్రికా 49.4 ఓవర్లలో 212 పరుగులు చేసి ఆలౌట్ అయ్యింది.
ఇక, ఈ మ్యాచ్‌లో సఫారీలపై ఆసీస్ బౌల‌ర్లు చెల‌రేగారు.. 12 ఓవర్లలో స్కోరు 24 పరుగులకే 4 వికెట్లు కోల్పోయింది సౌతాఫ్రికా. ఆ తరువాత వచ్చిన మిల్లర్ (101) – క్లాసెన్‌ (47) లు జట్టును ఆదుకున్నారు. ఈ ఇద్దరూ వికెట్ల పతనాన్ని అడ్డుకోవడంతో పాటు కంగారూ బౌలర్లను సమర్థవంతంగా ఎదుర్కున్నారు.
ఆస్ట్రేలియా బౌలర్లలో మిచెల్ స్టార్క్, ప్యాట్ కమిన్స్ మూడు వికెట్లతో సత్తా చాటారు. జోష్ హెజెల్ వుడ్, ట్రావిస్ హెడ్ తలో రెండు వికెట్లు తీశారు.