Clarification – హీరో ప్ర‌భాస్​తో..నాకేం సంబంధం! అదంతా ‘అన్న’ సృష్టే .. షర్మిల

సైతాన్​ సైన్యంతో విష ప్రచారం
అయిదేండ్లు అధికారంలో ఉన్నారు
అప్పుడు ఎంక్వైరీ చేయించవచ్చు కదా
అమ్మా, నాన్నలను కూడా వదలని సైకో
వైసీపీ చీఫ్​ జగన్​పై మండిపడ్డ ఏపీ పీసీసీ చీఫ్
​
ఆంధ్రప్రభ స్మార్ట్​, హైదరాబాద్​:
వైసీసీ చీఫ్​, అన్న జగన్ తన సైతాన్ సైన్యంతో ప్రభాస్‌‌తో తనకు సంబంధం ఉన్నట్లు ప్రచారం చేయించారని ఏపీ పీసీసీ చీఫ్​ షర్మిల ఆరోపించారు. ‘‘నా మీద, బాలకృష్ణ ఇంటి నుంచి తప్పుడు ప్రచారం జరిగిందని జగన్ ఒక ఎంటర్‌టైన్‌మెంట్ వీడియో చూయించారు. మీకు ఇలా జరిగిందని తెలిసి ఉంటే మీరు అయిదేండ్లు సీఎంగా ఉన్నారు. అప్పుడు గాడిదలు కాచారా. విచారణ ఎందుకు చేయలేదు. ప్రభాస్‌కు నాకు సంబంధం ఉందని వైసీపీ సోషల్ మీడియా ప్రచారం చేయలేదా. మా పిల్లల మీద ఒట్టేసి చెబుతున్న ప్రభాస్ ఎవరో నాకు తెలియదు. ఆయన్ని నేను ఎప్పుడూ చూడలేదు. జగన్ ఈ ప్రాపగాండా చేయించారు. నా వీడియో చూయించి జగన్ సానుభూతి పొందాలని చూశారు. జగన్ ఆయన స్వార్థం కోసం అమ్మపై కేసు పెట్టారు. నాన్న పేరు సీబీఐ చార్జిషీట్‌లో పెట్టారు. తనపై దుష్ప్రచారం చేయించారు’’ అని షర్మిల తీవ్ర ఆగ్రహం వ్యక్తం చేశారు.