పా.రంజిత్ డైరెక్ష‌న్ లో హీరో విక్ర‌మ్- పూర్త‌యిన పూజా కార్య‌క్ర‌మాలు

ద‌ర్శ‌కుడు పా.రంజిత్ డైరెక్ష‌న్ లో ఓ చిత్రం తెర‌కెక్క‌నుంది.ఈ మూవీలో త‌మిళ స్టార్ హీరో విక్ర‌మ్ న‌టిస్తున్నాడు. తాజాగా ఈ చిత్రానికి సంబంధించిన పూజా కార్య‌క్ర‌మాలు చెన్నైలో గ్రాండ్‌గా జ‌రిగాయి. స్డూడియో గ్రీన్ ప‌తాకంపై కే.ఈ జ్ఞాన‌వేల్ రాజా ఈ చిత్రాన్ని నిర్మిస్తున్నారు. జీవి. ప్ర‌కాష్ సంగీతం అందిస్తున్న ఈ చిత్రం త్వ‌ర‌లోనే రెగ్యుల‌ర్ షూటింగ్ మొద‌లు పెట్ట‌నుంది. ప్ర‌స్తుతం విక్ర‌మ్ న‌టించిన‌ కోబ్రా విడుద‌ల‌కు సిద్ధంగా ఉంది. అజ‌య్ జ్ఞాన‌ముత్తు ద‌ర్శ‌క‌త్వం వ‌హించిన ఈ చిత్రం ఆగ‌స్టు 11న విడుద‌ల కానుంది. దీనితో పాటుగా లేజెండరీ డైరెక్ట‌ర్ మ‌ణిర‌త్నం ద‌ర్శ‌క‌త్వంలో తెర‌కెక్కిన పొన్నియిన్ సెల్వ‌న్ సెప్టెంబ‌ర్ 30న విడుద‌ల కానుంది. ఈ చిత్రంలో విక్ర‌మ్ ఆదిత్య క‌రికాల‌న్ పాత్ర‌లో క‌నిపించ‌నున్నారు.