2020-21లో రూ.9.45 లక్షల కోట్ల పన్ను వసూళ్లు

దేశంలో 2020-21 ఆర్థిక సంవత్సరంలో అధిక పన్నులు వసూలయ్యాయి. లక్ష్యాన్ని మించి ప్రత్యక్ష పన్నులు వసూలయినట్లు కేంద్రం వెల్లడించింది. ఈ ఆర్థక సంవత్సరంలో రూ.9.45 లక్షల కోట్ల ప్రత్యక్ష పన్నులు వసూలైనట్టు కేంద్రం ప్రకటించింది. బడ్జెట్ అంచనాల్లో ప్రత్యక్ష పన్నుల వసూళ్లు రూ.9.05 లక్షల కోట్లు ఉంటాయని అంచనాలు కట్టింది కేంద్రం. అయితే..అంతకంటే 5 శాతం ఎక్కువే పన్నులు వసూలయ్యాయి. కరోనా సంక్షోభంలోనూ ఈ మేర వృద్ధి సాధించడం పట్ల అధికారుల హర్షం వ్యక్తం చేశారు. కార్పొరేట్ పన్ను రూ.4.57 లక్షల కోట్ల వసూళు అయ్యాయి. వ్యక్తిగత ఆదాయ పన్ను వసూళ్లు రూ.4.71 లక్షల కోట్లు కాగా, సెక్యూరిటీస్ లావాదేవీల పన్ను రూపంలో రూ.16,927 కోట్లు వసూలయ్యాయి.