ఉమెన్స్ మహిళల ప్రీమియర్ లీగ్ (డబ్ల్యూపీఎల్) రెండో మ్యాచ్‌లో గుజరాత్ జెయింట్స్ యూపీ ముందు మంచి లక్ష్యాన్ని నిర్దేశించింది. టాస్ గెలిచి తొలుత బ్యాటింగ్ చేసిన గుజరాత్ నిర్ణీత 20 ఓవర్లలో 8 వికెట్ల నష్టానికి 152 పరుగులు చేసింది. కాగా, గుజరాత్ కెప్టెన్ బెత్ మూనీ (నాటౌట్) అద్భుత ఇన్నింగ్స్‌తో జట్టును ఆదుకుంది. 52 బంతుల్లో 74 పరుగులు (10 ఫోర్లు, 1 సిక్స్)తో హాఫ్ సెంచరీ చేసింది. ఇక ఓపెనర్ లారా వోల్వార్డ్ 30 బంతుల్లో 43 (8 ఫోర్లు, 1 సిక్స్)తో ఆకట్టుకుంది. మిగిలిన బ్యాటర్లు ఘోరంగా విఫలమ్యారు.
యూపీ బౌలర్లలో సోఫీ ఎక్లెస్టోన్ 3 వికెట్లు తీయగా.. దీప్తి శర్మ 2 వికెట్లు దక్కించుకుంది. ఇక రాజేశ్వరి గయాక్వాడ్, చమరి అతపత్తు చెరో వికెట్ తీసారు. కాగా, 153 పరుగుల టార్గెట్‌తో యూపీ జట్టు బరిలోకి దిగనుంది.
- Advertisement -