టీ20 ప్ర‌పంచ క‌ప్ లో భాగంగా నేడు జరిగిన మ్యాచ్‌లో కెనడా బోణీ కొట్టింది. గ్రూప్-ఏలో తమతో పాటు ఉన్న ఐర్లాండ్ తో తలపడిన కెనడా.. ఉత్కంఠ పోరులో విజయం సాధించింది. తొలుత టాస్ ఓడి బ్యాటింగ్ చేసిన కెనడా.. నిర్ణీత 20 ఓవర్లలో 7 వికెట్ల నష్టానికి 137 పరుగులే చేసింది. అయితే, ఛేజింగ్‌కు దిగిన ఐర్లాండ్ జట్టును 125 పరుగులకే పరిమితం చేసి లో స్కోరింగ్ మ్యాచ్‌లో 12 పరుగుల గెలుపొందింది.
జార్జ్ డాక్రెల్ (30), మార్క్ అడైర్ (34), ఆండ్రూ బల్బిర్నీ (17) పరుగులు చేయగా..మిగిలిన వారు కనీసం 10 పరుగలు దాటలేకపోయారు. ఇక కెనడా బౌలర్లలో డిల్లాన్ హేలిగర్, జెరెమీ గోర్డాన్ రెండేసి వికెట్లు తీయగా.. జునైద్ సిద్ధిఖీ, సాద్ బిన్ జాఫర్(సి) చెరో వికెట్ దక్కించుకున్నారు. ఈ విజయంతో పాయింట్ల పట్టికలో ఖాతా తెరిచిన కనెడా జట్టు (2) మూడో స్థానానికి చేరుకుంది. యూఎస్ఏ (4), ఇండియా (2) పాయింట్ల‌తో తొలి రెండు స్థానాల్లో ఉండ‌గా.. ఇంకా ఖాతా తెర‌వ‌ని పాకిస్థాన్ ఐర్లాండ్ 4,5 స్థానాల్లో ఉన్నాయి.