బుట్ట‌బొమ్మ సినిమాతో హీరోయిన్ గా ప‌రిచ‌య‌మ‌వుతోంది చైల్డ్ ఆర్టిస్ట్ అనికా సురేంద్ర‌న్. ఫార్చ్యూన్ ఫోర్ సినిమాస్.. సితార ఎంటర్టైన్మెంట్ బ్యానర్ పై సంయుక్తంగా తెరకెక్కిస్తున్న ఫీల్ గుడ్ రూరల్ డ్రామా బుట్ట బొమ్మ.. సూర్యదేవర నాగ వంశీ , సాయి సౌజన్య సంయుక్తంగా తెరకెక్కిస్తున్నాయి.ఈ చిత్రంలో అర్జున్ దాస్, సూర్య వశిష్ట ప్రధాన పాత్రలు పోషిస్తున్నారు. ఈ చిత్రాన్ని శౌరీ చంద్రశేఖర్ రమేష్ దర్శకత్వం వహిస్తూ.. మొదటిసారి తెలుగు ఇండస్ట్రీకి దర్శకుడిగా పరిచయం కాబోతున్నాడు. తాజాగా ఈ సినిమా ట్రైలర్ ను రిలీజ్‌ చేశారు. ఇక ఈ సినిమా ఓ వీలేజ్‌ లవ్‌ స్టోరీ గా ట్రైలర్ చూస్తే అనిపిస్తోంది. అలాగే, ఈ ట్రైలర్ లో మంచి విజువల్స్‌, ప్రేమ బాగా చూపించారు.ఫిబ్రవరి 4వ తేదీన ఈ చిత్రం భారీ స్థాయిలో థియేటర్లలో విడుదల కాబోతుంది.
