సెంట్రల్ ఫిలిప్పీన్స్‌లో ఘోరం జ‌రిగింది. లోతైన లోయలో ట్రక్కు పడిపోయింది. ఈ ప్రమాదంలో 15 మంది మృతి చెందారు. ట్రక్కులో ఉన్న 17 మందిలో ఒక ప్రయాణికుడు, డ్రైవర్ మాత్రమే ప్రాణాలతో బయటపడ్డారు.
మాబినే మునిసిపాలిటీకి చెందిన రెస్క్యూ అధికారి మైఖేల్ కబుగాసన్ మాట్లాడుతూ.. ఈ వాహనం ప్రజలను నీగ్రోస్ ద్వీపంలోని పశువుల మార్కెట్‌కు తీసుకువెళుతోంది. రోడ్డు మలుపు వద్ద లారీ డ్రైవర్ అదుపు తప్పి లోతైన గుంతలో పడిపోయినట్లు ప్రత్యక్ష సాక్షులు తెలిపారు. మాబినే సమీపంలోని కొండ ప్రాంతంలో తరచూ రోడ్డు ప్రమాదాలు జరుగుతున్నాయని ఆయన అన్నారు.