Breaking : భారీ ధ‌ర‌కు వాల్తేరు వీర‌య్య‌.. నెట్ ప్లిక్స్ లో ఆరు వారాల త‌ర్వాత

మెగాస్టార్ చిరంజీవి న‌టించిన చిత్రం వాల్తేరు వీరయ్య ప్రేక్ష‌కుల ముందుకు వ‌చ్చింది. హీరోయిన్ గా శ్రుతిహాసన్ నటించింది. ఈ చిత్రంలో ముఖ్య పాత్ర‌లో మాస్ మ‌హ‌రాజ్ ర‌వితేజ న‌టించారు. దేవీ శ్రీ ప్రసాద్‌ సంగీతం అందించిన ఈ సినిమాను మైత్రీ సంస్థ నిర్మించింది. బాబీ ఈ చిత్రాన్ని తెర‌కెక్కించాడు. ఈ సినిమా హక్కులను నెట్‌ఫ్లిక్స్‌ సంస్థ భారీ ధరకు కొనుగోలు చేసిందని సమాచారం. తెలుగుతో పాటు హిందీ హక్కులను కూడా కొనుగోలు చేసిందట. కాగా ఈ సినిమాను 6 వారాల తర్వాత ఓటీటీలో స్ట్రీమింగ్‌ చేయాలని వీరయ్య బృందం నెట్‌ఫ్లిక్స్‌ సంస్థతో డీల్‌ కుదిరించుకుందట. ఈ లెక్కన చూసుకుంటే మార్చిలో ఈ సినిమా ఓటీటీలో సందడి చేయనుంది. అవుట్‌ అండ్‌ అవుట్‌ యాక్షన్ ఎంటర్‌టైనర్‌గా తెరకెక్కింది.