భోగాపురం(విజయనగరం), నవంబర్ 30(ఆంధ్రప్రభ): భోగాపురం జాతీయ రహదారిపై పోలిపల్లి వద్ద కారు అదుపుతప్పి రోడ్డుపైకి దూసుకెళ్లగా.. అదే త్రోవలో వస్తున్న లారీ ఢీకొన్న సంఘటనలో నలుగురు అక్కడికక్కడే మృతిచెందారు. మృతులంతా శ్రీకాకుళం టౌన్ కి చెందిన వారిగా పోలీసులు భావిస్తున్నారు.
శ్రీకాకుళం నుంచి విశాఖ ఎయిర్ పోర్ట్ కి వెళ్తుండగా పోలిపల్లి సమీపంలోని పెట్రోల్ బంకు వద్ద కారు అదుపు తప్పింది. అదుపుతప్పిన కారు విశాఖ నుంచి శ్రీకాకుళం వెళ్లే రహదారిపైకి రావడంతో వస్తున్న లారీ బలంగా ఢీకొట్టింది. దీంతో కారులో ప్రయాణిస్తున్న ఒక మహిళతో పాటు నలుగురు మృతిచెందారు. సంఘటన స్థలానికి వెంటనే పోలీసులు చేరుకొని కారులో చిక్కుకున్న మృతదేహాలను వెలికితీశారు. మృతుల వివరాల కోసం పోలీసులు ఆరా తీస్తున్నారు.
- Advertisement -