Breaking : శ్రీవారి సేవ‌లో ముకేశ్ అంబానీ-స‌త్క‌రించిన టిటిడీ ఈఓ ధ‌ర్మారెడ్డి

ప్రముఖ వ్యాపారవేత్త.. రిలయన్స్ అధినేత ముకేశ్ అంబానీ తిరుమల శ్రీనివాసుని దర్శించుకున్నారు.శ్రీవారి దర్శనార్ధం కుటుంబ సభ్యులతో కలిసి తిరుమలకు చేరుకున్న ముకేశ్ అంబానీ స్వామి వారీ అభిషేక సేవలో పాల్గొని శ్రీవారిని దర్శించుకున్నారు.దర్శనాంతరం రంగనాయకుల మండపంలో వేదపండితులు వేద ఆశీర్వచనం పలకగా టీటీడీ ఈఓ ధర్మారెడ్డి స్వామి వారి వస్త్రంతో సత్కరించి శ్రీవారి తీర్థ ప్రసాదాలను అందజేశారు.దర్శనాంతరం ముకేశ్ అంబానీ టీటీడీ గోశాల వద్దకు చేరుకొని గోశాలను సందర్శించిన అనంత‌రం గజరాజుల ఆశీర్వాదం పొందారు.వైసీపీ నేతలు విజయసాయి రెడ్డి,చెవిరెడ్డి భాస్కర్ రెడ్డి దగ్గరుండి ముకేశ్ అంబానికి దర్శనం ఏర్పాట్లు చేశారు.శ్రీవారిని దర్శించుకొని ఆశీస్సులు పొందానని…ఏట… ఏటా ఆలయం అభివృద్ధి చెందుతుంద‌ని ముకేశ్ అంబానీ తెలిపారు.భారతీయులకు ఇది ఎంతో గర్వకారణమని…అందరికీ స్వామి వారీ ఆశీస్సులు వుండాలన్నారు.