అలగోస్ : బ్రెజిల్లోని అలగోస్ స్టేట్లోని మారుమూల పర్వత రహదారిపై నుండి బస్సు లోయలో ప‌డిన ప్రమాదంలో 23 మంది ప్రయాణికులు మృతి చెందారు. సోమవారం ఉదయం చోటుచేసుకున్న ఈ ప్రమాదంలో ఘటనా స్థలంలో 22 మంది మృతిచెందారు. మరొక మ‌హిళ ఆసుపత్రిలో చికిత్స పొందుతూ మరణించినట్టు రెస్క్యూ టీమ్స్ ధృవీకరించాయని అలగోస్ ప్రభుత్వం ఒక ప్రకటనలో తెలిపింది.
ప్రమాద సమయంలో బస్సులో 40 మంది ప్రయాణికులు ఉన్నారని బ్రెజిల్ మీడియా తెలిపింది. ఈ ప్రమాదంలో అనేకమంది గాయపడ్డారని తెలిపారు. యునియావో డాస్ పాల్మారెస్ పట్టణానికి సమీపంలో ఈ ప్రమాదం జరిగింది. రాష్ట్ర గవర్నర్ పాలో డాంటాస్ సోషల్ మీడియా ప్లాట్ఫారమ్ ఎక్స్లో ‘విషాదం’పై మూడు రోజుల సంతాపాన్ని ప్రకటించారు.
- Advertisement -