కర్నూలు జిల్లా జీజీహెచ్‌లో శిశువు తారుమారు కలకలం రేపింది. దేవనకొండ మండలం నెల్లిబండకు చెందిన రజియా అనే మహిళ సోమవారం నాడు మగబిడ్డకు జన్మనిచ్చింది. కాగా పుట్టిన శిశువుకు ఆరోగ్యం బాగా లేకపోవడంతో ఎన్‌ఐసీయూలో చికిత్స అందజేశారు. అయితే రాత్రి 8 గంటల ప్రాంతంలో శిశువు చనిపోయాడని ఆసుపత్రి సిబ్బంది వెల్లడించారు. పుట్టినప్పటి బిడ్డ, మృత శిశువు వేరు వేరుగా ఉన్నారని.. బిడ్డను తారుమారు చేశారని బాలింత రజియా ఆరోపించారు. ఈ ఘటనపై బాలింత బంధువులు రాత్రి ఆసుపత్రిలో ఆందోళనకు దిగారు.
ఈ వార్త కూడా చదవండి: ఒంగోలులో అర్థరాత్రి ఓ ఇంటిపై పెట్రోల్ బాంబుల దాడి