ఫ్యాక్టరీలో బాయిలర్‌ పేలుడు..

మహారాష్ట్రలోని నాసిక్‌లోని ఓ ఫ్యాక్ట‌రీలో బాయిల‌ర్ పేలింది. ఈ ఘ‌ట‌న‌లో ప‌లువురు కార్మికులు ఈ మంట‌లు, పొగ‌ల్లో చిక్కుకున్నారు. వివ‌రాలు ఇలా ఉన్నాయి.. ముండేగావ్ సమీపంలోని జిందాల్ ఫ్యాక్టరీలో ఆదివారం ఉదయం 11 గంటలకు ఒక బాయిలర్‌ భారీ శబ్ధంతో పేలింది. ఈ సమాచారం అందుకున్న పోలీసులు ఘ‌ట‌న స్థ‌లానికి చేరుకున్నారు. వెంటనే పలు అగ్నిమాపక వాహనాలు ఆ ఫ్యాక్టరీ వద్దకు చేరుకున్నాయి. మంటలను అదుపుచేసేందుకు సిబ్బంది ప్రయత్నిస్తున్నారు. సుమారు 11 మంది కార్మికులను రక్షించినట్లు అగ్నిమాపక అధికారి తెలిపారు. చాలా మంది కార్మికులు మంటల్లో చిక్కుకున్నట్లు చెప్పారు. బాయిలర్‌ పేలుడుకు దారి తీసిన కారణాలపై దర్యాప్తు చేస్తున్నట్లు వెల్లడించారు.