Delhi | అమిత్ షాతో బీజేపీ నేతల భేటీ.. పార్టీలో మార్పులపై చర్చ

న్యూఢిల్లీ, ఆంధ్రప్రభ : కేంద్ర హోం మంత్రి అమిత్ షాతో తెలంగాణ బీజేపీ ముఖ్య నేతలు భేటీ అయ్యారు. పార్టీ కేంద్ర కార్యాలయంలో చేరికల ప్రక్రియ అనంతరం కిషన్ రెడ్డి, బండి సంజయ్, డీకే అరుణ, ఈటల రాజేందర్, తరుణ్ చుగ్, డా. కే. లక్ష్మణ్ అమిత్ షాను కలిశారు. షెడ్యూల్ ప్రకారం అమిత్ షా శనివారం హైదరాబాద్ లో పర్యటించాల్సి ఉంటుంది. భారీ వర్షాలు, వరదల కారణంగా ఆయన పర్యటన వాయిదా పడింది. రాష్ట్ర పరిస్థితులు, పార్టీలో చేరికలు, మార్పులు చేర్పులపై బీజేపీ నేతలు అమిత్ షాకు వివరించినట్టు సమాచారం..