ముంబై – ఆకాశాన్నంటుతున్న టమాటాల ధరలు సామాన్య ప్రజలను ఇబ్బంది పెడుతున్నది.. టమాటాలు లేకుండానే కూరలు వండే పరిస్థితి..
తాజాగా, మహారాష్ట్రలోని ఠాణె జిల్లాలో వీటి ధర రూ.200 పలుకుతుండగా.. పుట్టినరోజు వేడుక జరుపుకొన్న ఓ మహిళకు ఆమె బంధువులు 4 కిలోలకు పైగా టమాటాలు కానుకగా ఇచ్చి ఆకాశమంత ఎదగాలని దీవించారు. కల్యాణ్‌ పట్టణంలోని కొచాడి ప్రాంతంలో నివసిస్తున్న సోనాల్‌ బోర్సే తనకు పుట్టినరోజు కానుకగా వచ్చిన టమాటాలను చుట్టూ పెట్టుకొని కేక్‌ కట్‌ చేశారు. తన సోదరుడు, బంధువులు ఇచ్చిన ఈ కానుక ఎంతో సంతోషపరచిందని ఆమె చెప్పారు.