ఉద్యోగులకు శుభవార్త.. రూ.10వేలు అడ్వాన్స్

ఉద్యోగులకు కేంద్ర ప్రభుత్వం శుభవార్తను అందించింది. హోలీ పండగ సందర్భంగా ఉద్యోగులకు రూ. 10వేలు అడ్వాన్సుగా ఇస్తున్నట్టు ప్రకటించింది. ఈ నెల 28 లేదా 29 తేదీల్లో హోలీ జరగనుంది. ఈ క్రమంలో హోలీ ఫెస్టివల్ అడ్వాన్స్ స్కీమ్‌ను కేంద్ర ప్రభుత్వం ప్రవేశపెట్టింది. ఈ స్కీమ్ కింద అడ్వాన్సు తీసుకునేందుకు మార్చి 31వ తేదీని చివరి తేదీగా ప్రకటించింది. అడ్వాన్సు తీసుకున్న ఉద్యోగులు నెలకు రూ. 1000 చొప్పున చెల్లిస్తే సరిపోతుంది. డబ్బు అవసరమున్న ఉద్యోగులు ఈ సదుపాయాన్ని ఉపయోగించుకోవాలని అధికారులు సూచించారు. మరోవైపు కేంద్ర ఉద్యోగులు, రిటైర్డ్ పెన్షనర్లకు ఊరట కలిగించే మరో నిర్ణయాన్ని మోదీ ప్రభుత్వం తీసుకుంది. పెండింగ్‌లో ఉన్న మూడు విడతల డీఏ, డీఆర్‌ను జూలై నుంచి పునరుద్ధరించాలని కేంద్ర ప్రభుత్వం నిర్ణయించింది.