పవన్కళ్యాణ్ కెరీర్‌లో బిగ్గెస్ట్ క‌మ‌ర్షియ‌ల్ హిట్ సినిమాల‌లో జల్సా ఒక‌టిగా నిలిచింది. సంజ‌య్ సాహుగా ప‌వ‌న్ క‌ళ్యాణ్ డిఫ‌రెంట్ క్యారెక్ట‌రైజేష‌న్‌, డైలాగ్ డెలివ‌రీతో కూడిన క్యారెక్ట‌ర్‌లో క‌నిపించి అభిమానుల‌ను అల‌రించారు. ప్రేమ‌క‌థ‌కు యాక్ష‌న్, కామెడీని జోడించి.. మాట‌ల మాంత్రికుడు, ద‌ర్శ‌కుడు త్రివిక్ర‌మ్ ఈ సినిమాను తెర‌కెక్కించారు. త్రివిక్ర‌మ్ మేకింగ్‌, టేకింగ్ స్టైల్‌కు ప‌వ‌న్ ఇమేజ్ తోడ‌వ్వ‌డంతో బాక్సాఫీస్ వ‌ద్ద ఈ సినిమా కాసుల వ‌ర్షం కురిపించింది. జల్సా విడుద‌లై 14 ఏళ్లు పూర్త‌యిన సినిమాలోని పాట‌లు ఇప్ప‌టికీ వినిపిస్తూనే ఉంటాయి.
కాగా, వ‌చ్చే నెల (సెప్టెంబ‌ర్) 2న ఈ సినిమాను రీ-రిలీజ్ చేయ‌బోతున్నారు. పవన్కళ్యాణ్ పుట్టిన‌రోజు సంద‌ర్భంగా జల్సా సినిమా మ‌రోసారి థియేట‌ర్ల‌లో అడుగు పెట్ట‌నుంది. ఒరిజినల్ ప్రింట్ ను క్యూబ్‌, 4 కే వెర్ష‌న్స్ లోకి మార్చి రీ రిలీజ్ చేయ‌నున్నారు. జల్సా సినిమాకు సంబంధించిన రీరిలీజ్‌, ప్ర‌మోష‌న్స్ ప‌వ‌న్ క‌ళ్యాణ్ ఫ్యాన్స్ కొంద‌రు ఆర్గ‌నైజ్ చేయ‌బోతున్న‌ట్లు స‌మాచారం. ఏపీతో పాటు తెలంగాణ‌లోని ప‌లు థియేట‌ర్ల‌లో ఈ సినిమా స్క్రీనింగ్ ఉండ‌బోతున్న‌ట్లు తెలిసింది. త్వ‌ర‌లోనే బుకింగ్స్ ప్రారంభం కానున్నాయి. ప్ర‌స్తుతం ప‌వ‌న్ క‌ళ్యాణ్ హ‌రిహ‌ర‌వీర‌మ‌ల్లు సినిమాలో న‌టిస్తున్నారు. పీరియాడిక‌ల్ క‌థాంశంతో తెర‌కెక్కుతున్న ఈ సినిమాకు క్రిష్ ద‌ర్శ‌క‌త్వం వ‌హిస్తున్నారు. అలాగే స‌ముద్ర‌ఖ‌ని ద‌ర్శ‌క‌త్వంలో పవన్కళ్యాణ్ ఓ సినిమా చేయ‌బోతున్నారు.