సునీల్‌, శ్రీనివాస్‌ రెడ్డి, వెన్నెల కిషోర్‌, ధనరాజ్‌ ప్రధాన పాత్రలలో నటిస్తున్న చిత్రం భూవన విజయమ్‌. యలమంద చరణ్‌ దర్శకత్వంలో కిరణ్‌, విఎస్కే నిర్మిసు న్నారు. కామెడీ డ్రామాగా భువన విజ యమ్‌ తెరకెక్కిస్తున్నారు. ఇటివలే ఈ సినిమా ఫస్ట్‌ లుక్‌ విడుదల చేశారు.
తాజాగా ఈ చిత్రం టీ-జర్‌ని దర్శ కుడు మారుతి విడుదల చేశారు. టీ-జర్‌ ఒక ఆసక్తికరమైన వాయిస్‌ ఓవర్‌తో మొదలైంది. ఒక కథానాయకుడు.. అతని కథేంటో అతనికే తెలీదు.. ఒక ప్రొడ్యూస ర్‌.. తనకి జాతకాల పిచ్చి.. ఒకరంటే ఒకరికి పడని ఎనిమిది మంది రచయితలు.. సచ్చికూడా ఇంకా మనసుల మధ్య తిరుగుతున్న ఓ ఆత్మ.. చావుబతుకుల మధ్య వున్న కూతురుని బ్రతికించు కోవడానికి ఓ తండ్రిపడే వేదన.. పది లక్షలు.. ఎనిమిది మంది.. ఏడు కథలు, నాలుగు గోడల మధ్య.. మూడు గంటల కాలంలో ఇద్దరు చావాలి, ఒక కథ తేలాలి’ అంటూ సాగిన వాయిస్‌ ఓవర్‌.. ఒకొక్క పాత్ర పరిచయం, ఆసక్తిని రేపే సన్నివేశాలతో టీ-జర్‌ ఆసక్తికరంగా సాగింది. సాయి సినిమాటోగ్రఫీ , ఇంకా ఈ చిత్రంలో గోపరాజు రమణ, రాజ్‌ తిరందాసు, జబర్దస్త్‌ రాఘవ, అనంత్‌ , సోనియా చౌదరి, స్నేహల్‌ కామత్‌, షేకింగ్‌ శేషు, సత్తి పండు ఇతర నటిస్తున్నారు.
