టీఆర్‌ఎస్ సర్కార్ ప్రజావ్యతిరేక విధానాలను నిరసిస్తూ బీజేపీ రాష్ట్ర అధ్యక్షుడు బండి సంజయ్ చేపట్టిన ప్రజాసంగ్రామ యాత్ర రంగారెడ్డి జిల్లాలో కొనసాగుతోంది. 10వ రోజైన సోమవారం నాడు మోమిన్‌పేట నుంచి బండి సంజయ్ ప్రజా సంగ్రామ యాత్ర ప్రారంభమైంది. ఈ సందర్భంగా ఆయన పాదయాత్ర 100 కి.మీ. పూర్తి చేసుకుంది.
కాగా బండి సంజయ్ పాదయాత్ర 100 కి.మీ. పూర్తయిన సందర్భంగా బీజేపీ కార్యకర్తలు టపాసులు కాల్చి బెలూన్లు ఎగరేసి సంబరాలు చేసుకున్నారు. ఈ మేరకు 100 కిలోల కేక్ కట్ చేసి అభిమానులకు పంపిణీ చేశారు. భారీ ఎత్తున బాణసంచా కాల్చి కార్యకర్తలు ఓ రేంజ్‌లో హడావిడి చేశారు. ఈ కార్యక్రమంలో బీజేపీ యువ మోర్చా కార్యకార్తలు పాల్గొన్నారు. కాగా కేసీఆర్‌ పాలనలో ప్రజాసమస్యలు ఏమాత్రం పరిష్కారానికి నోచుకోవటం లేదని పలువురు తమ దృష్టికి తీసుకొస్తున్నారని బండి సంజయ్ ఆరోపించారు.