నటసింహం నందమూరి బాలకృష్ణ కర్నూలులో సినిమా సందడి చేస్తున్నారు. మాస్ డైరెక్టర్ గోపీచంద్ మలినేని క్రేజీ కాంబినేషన్ లో బాలకృష్ణ కథానాయకుడిగా సినిమా చేస్తున్న సంగతి విధితమే. ఎన్.బి.కె107 వర్కింగ్ టైటిల్ తో ప్రముఖ నిర్మాణ సంస్థ మైత్రీ మూవీ మేకర్స్ నిర్మిస్తున్న ఈ ప్రతిష్టాత్మక చిత్రం షూటింగ్ శరవేగంగా జరుపుకుంటోంది. ఈ సినిమా షూటింగ్ ను గత ఐదు రోజులుగా కర్నూలు ఉమ్మడి జిల్లాల పరిసర ప్రాంతాల్లో నిర్వహిస్తున్న సంగతి తెలిసిందే. బాలయ్య 107వ చిత్రానికి సంబంధించి ఇప్పటికే రిలీజ్ అయిన టీజర్ తో ఆయన పాత్ర ఎంత పవర్ ఫుల్ గా ఉంటుందో తేలిపోయింది. బాలయ్య భిమానుల అంచనాలకు ఏమాత్రం తగ్గకుండా అఖండ స్థాయిని తలదన్నేలా ఈ చిత్రం ఉంటుందని అభిమానులు ఎంతో కాన్పిడెంట్ గా ఉన్నారు. ఈ సినిమాకు సంబంధించి ఇప్పటికే హైదరాబాద్ లో కీలక సన్నివేశాలు చిత్రీకరించారు. గత ఐదు రోజులుగా కర్నూలు జిల్లాలో షూటింగ్ జరుపుకుంటుంది. ఇప్పటికే పొరుగు రాష్ట్రంలోని అలంపూర్.. యాగంటి.. కొమ్మల చెరువు, పూడిచర్ల.. ఓర్వకల్లు.. పంచలింగాల.. మరిన్ని ప్రదేశాల్లో బాలయ్య సహా ప్రధాన తారాగణంపై కీలక సన్నివేశాలు చిత్రీకరించారు. సోమవారం కర్నూలు నగరంలోని కొండారెడ్డి బురుజు, మౌర్య హోటల్ సర్కిల్లో కీలక సన్నివేశాలను చిత్రీకరించారు.
ఈ సందర్భంగా అక్కడికి వచ్చిన బాలయ్యను చూసేందుకు.. అభిమానులు భారీగా చేరుకున్నారు. ఆయనతో ఫోటోలు దిగేందుకు అభిమానులు ఒకరితో ఒకరు పోటీ పడ్డారు. ఆయన కూడా అభిమానులతో కలిసి ఫోటోలు దిగే అవకాశం ఇచ్చారు. బాలయ్య ఛాన్స్ ఇవ్వడంతో చాలామంది సెల్ఫీలు దిగారు. స్థానిక నాయకులు.. టీడీపీ ప్రముఖులు సైతం బాలయ్యను కలిశారు. అంతకు ముందు కర్నూలుకు వస్తున్నారని తెలుసుకొని అభిమానులు భారీగా తరలివచ్చారు. మొత్తంగా సీమ జిల్లాలో కర్నూలు జిల్లా నుంచి భారీ అభిమాన గణం సంపాదించిన స్టార్ ఆయన. గతంలో బాలయ్య నటించిన రాయలసీమ ఫ్యాక్షనిజం సినిమాల చిత్రీకరణకు కర్నూల్ అడ్డా. మళ్లీ చాలా కాలం తర్వాత బాలయ్య సినిమా షూటింగ్ కొండా రెడ్డి బురుజు దగ్గర జరగడం విశేషం. ఈ చిత్రంలో స్టార్ హీరోయిన్ శ్రుతి హాసన్ కథానాయికగా నటిస్తోంది. కన్నడ స్టార్ దునియా విజయ్ ఈ సినిమాతో విలన్ గా టాలీవుడ్ కి పరిచయం అవుతున్నారు. వరలక్ష్మి శరత్‌కుమార్‌ కీలక పాత్రలో కనిపించనున్నారు. నిర్మాతలు నవీన్ యెర్నేని, వై రవిశంకర్ ఈ చిత్రాన్ని భారీగా నిర్మిస్తున్నారు. క్రేజీ కాంబినేషన్ లో రూపొందుతున్న ఈ చిత్రానికి అత్యున్నత సాంకేతిక నిపుణులు పని చేస్తున్నారు. మ్యూజిక్ సెన్సేషన్ థమన్ ఎన్‌బికె107కి సంగీతం అందిస్తున్నారు. రిషి పంజాబీ సినిమాటోగ్రఫీ అందిస్తున్నారు. స్టార్ రైటర్ సాయి మాధవ్ బుర్రా డైలాగ్స్ అందించగా, నవీన్ నూలి ఎడిటర్ గా, ఎఎస్ ప్రకాష్ ప్రొడక్షన్ డిజైనర్ గా పని చేస్తున్నారు. చందు రావిపాటి ఎగ్జిక్యూటివ్ ప్రొడ్యూసర్ గా వ్యవహరిస్తున్న ఈ చిత్రానికి ఫైట్ మాస్టర్స్ గా రామ్-లక్ష్మణ్ పని చేస్తున్నారు.