ఏపీ ఎన్నికల్లో తమ కూటమి విజయంపై చంద్రబాబు స్పందించారు. ఆంధ్రప్రదేశ్ గెలిచిందని…ఆంధ్రప్రదేశ్ ప్రజలు గెలిచారని సోషల్ మీడియా వేదికగా సంతృప్తి వ్యక్తం చేశారు. టీడీపీ, బీజేపీ, జనసేన కూటమిని ఆశీర్వదించిన ప్రజలందరికీ కృతజ్ఞతలు తెలిపారు.
అందరం కలిసి గెలిచామ‌ని.. అందరం కలిసే అభివృద్ధి చేస్తామని అన్నారు. ప్రధాని నరేంద్ర మోదీ, అమిత్ షా, జేపీ నడ్డాలకు ప్రత్యేక ధన్యవాదాలు తెలిపారు. ఏపీ భవిష్యత్తు కోసం ఎంతో నిబద్ధతతో ఉన్న పవన్ కళ్యాణ్, జనసేన పార్టీ, పురందేశ్వరికి అభినందనలు తెలిపారు. కార్యకర్తల కృషితోనే ఇంత పెద్ద విజయం సాధ్యమైంద‌ని అన్నారు.